Fleire av kortarkiva som skal konverterast er blitt skanna og bileta av setlane er lagra digitalt. Det er no mogleg å bla i desse digitale setlane.
Biletarkivet er førebels berre ordna i katalogar og underkatalogar. Ein får opp ei oversikt over katalogane og biletfilene som gjeld det aktuelle arkivet. Ved å klikke på ein katalog, får ein opp alle underkatalogar og filer. Ved å klikke på ei fil, få ein opp eit bilete av setelen.
Arkiva er skanna i same rekkefølga som dei er organisert i setelskuffane. Dette gjer det mogleg å leite seg fram i arkiva.
Det første ein må gjere for å sjå setlane er å velge format. Dersom ein ikkje har eit spesielt framvisingsprogram for bilete, er sannsynlegvis det beste formatet JPEG. Sjå elles sida vår for spesielle program- og maskinkrav.